Það sem stóð upp úr barnaefninu á þessum tíma var vingjarnlegur kall með hatt sem spilaði á kassagítar og spjallaði við mann milli þess sem hann sýndi teiknimyndir - að sjálfsðgðu tók maður strax ástfóstri við hann og átti upp frá því þrjá Afa...
Síðustu 19 ár hefur Afi á Stöð 2 verið fastur punktur í tilveru barna á Íslandi og ég leyfi mér að halda því fram að hann hafi gert meira fyrir uppeldið á heilli kynslóð en flestir Afar sem eru þarna úti - þess vegna varð mér orða vant þegar ég frétti að síðasti þátturinn af Með Afa var tekinn upp síðasta miðvikudag - That´s right - Stöð 2 er hætt að framleiða Afa. Ég fékk reyndar ekki nákvæma útskýringu á því af hverju það væri - ég veit samt að Örn Árna vill halda áfram en þeir sem ráða eru ekki vissir um vinsældirnar vegna þess að það má ekki gera áhorfskannanir á barnaefni - HALLÓ - er einhver sem efast um vinsældir Afa!!!
Ég er öskureiður út í þetta rugl og lýsi hér með yfir andstöðu minni á þessu klúðri!
Afi lengi lifi - húrra - húrra - húrra!
